Rama shkarkon ministrin që doli kundër taksës së Kosovës ndaj Serbisë

Rama shkarkon ministrin që doli kundër taksës së Kosovës ndaj Serbisë

28/12/2018 Off

Ministri i Financave dhe Ekonomisë në Qeverinë e Shqipërisë, Arben Ahmetaj nuk do jetë më ministër. Kryeministri i Shqiërisë, Edi Rama e ka zëvendësuar atë me Anila Denajn.

Ahmetaj kishte dalur kundër taksës prej 100% që Kosova i ka vënë produkteve të Serbisë, shkruan Insajderi.

Deklarata e tij se taksa është negative kishte ardhur vetëm dy ditë pasi ishte takuar me ministrin e Zhvillimit Ekonomik në Serbi.

Regimet e shumta bënë që Ahmetaj më pas ta fshinte postimin nga facebook-u.

Ndryshe, përveç Ahmetajt, Rama ka shkarkuar nga detyra shtatë ministra të cilët ishin pjesë e qeverisë që prej pesë vitesh.

Krahas tyre, kanë ardhur si ministra edhe dy kosovarët në Qeverinë Rama, Besa Shahini si ministre e Arsimit në vend të Lindita Nikollës, si dhe Gent Cakaj, që prej tash bëhet ministër i Jashtëm i Shqipërisë.

Ndryshimet e tjera në Qeverinë shqiptare janë:

Damian Gjiknuri do të zëvendësohet nga Belinda Balluku në Ministrinë e Infrastrukturës.

Niko Peleshi do të zëvendësohet nga Blendi Çuçi në Ministrinë e Bujqësisë.

Mirela Kumbaro do të zëvendësohet nga Eva Margariti në Ministrinë e Kulturës.

Sonila Qato do të zëvendësohet nga Eduard Shalsi në Ministrinë e Mbrojtjes së Sipërmarrjes.

Gjithashtu, Edi Rama njoftoi se do të kthehet Ministria e Marrëdhënies me Parlamentin dhe ministrja do të jetë Elisa Spiropali