Deputetja shkakton debate për veshjen në parlament

Deputetja shkakton debate për veshjen në parlament

10/02/2019 Off
Puna jonë është vullnetare andaj nëse keni mundësi ndihmoni shqip.dk

Një politikane shkaktoi debate të shumta për shkak të veshjes me dekolte të hapur gjatë ceremonisë së betimit në parlamentin e Brazilit.
Ngjarja vjen pas zgjedhjeve me debate shumë të zjarrta, për shkak të presidentit që jo vetëm është ultra-konservator, por edhe që akuzohet nga opozita për fyerje ndaj grave.

“Gjinjtë e trazirave”, shkruanin gazetat të nesërmen, pasi deputetja nga Santa Katarina u shfaq me bluzën shumë të hapur, në vendin ku ka pasur debate të shumta.

Deputetja 43-vjeçare, Paulinja Da Silva, nënë e dy fëmijëve, tha se kishte dalë dyqaneve për të blerë një veshje enkas për ceremoninë, dhe ky i ishte dukur më i përshtatshmi.
Ajo i akuzoi qortuesit se komentet dhe kërcënimet e tyre vinin për shkak të kulturës “maço” dhe seksiste të vendit, e bazuar në paragjykime. Ajo i këshilloi debatuesit të merreshin me të veshurit me kravata që vjedhin fonde, pasi ajo vetë do të vazhdojë të vishet si t’i dojë qejfi.