BDI fton qytetarët të anëtarësohen në këtë parti politike: Bashkarisht ta ndërtojmë BDI-në !

BDI fton qytetarët të anëtarësohen në këtë parti politike: Bashkarisht ta ndërtojmë BDI-në !

12/03/2019 Off

Bashkimi Demokratik për Integrim njofton përmes një komunikate se në përputhje me vendimet e sjellura në mbledhjen e fundit të Kryesisë si dhe të Këshillit të Përgjithshëm të Bashkimit Demokratik për Integrim, procesi i regjistrimit dhe i riregjistrimit të anëtarësisë së BDI-së ka filluar dhe do të vijojë gjatë muajit mars të këtij viti.

“Kemi kënaqësinë t’ju ftojmē të anëtarësoheni dhe të bëheni pjesë e partisë më të madhe shqiptare në vend – Bashkimi Demokratik për Integrim. Regjistrimi i anëtarësisë bëhet edhe online në www.bdi.mk ose në të gjitha këshillat vendor dhe degët e BDIsë në çdo vendbanim, si dhe në selitë e partisë në Tetovë dhe Shkup.

Bashkimi Demokratik për Integrim rihap dyert për të gjithë qytetarët që bashkarisht ta ndërtojmë BDI-në e dy dekadave të ardhshme si vlerë e përbashkët e të gjithë qytetarëve.”, thekson komunikata.

Më tej thuhet se të gjitha të arriturat e saj ndër vite janë rezultat i kontributit dhe punës së përbashkët.

“Që nga fillimi, gjer më sot dhe gjithënjë edhe në të ardhmën, BDI-ja jeni ju.”, është motoja e kësaj partie.